Di bawa prentanja Abdoel Karim pacha, bebrapa kali balatentara Toerki soeda kala prang, hingga kagoembira'annja boleh dibilang Hlang separo dan
nanti boleh dapet soesa besar.
Dari barisannja Osman pacha tiada bisa diharep pertoeloengan lagi, sebab ini generaal dengen angkatan prangnja soeda poetoes perhoeboengan
sama pasoekan prang di tepi soengi Donau dan moesti melawan sendiri moesoenja jang sabensaben dateng menerdjang. Barisan jang tiada disiapken betoel, kira-kira 20.000 orang banjaknja, poen tiada bisa dipake boeat madjoe di peprangan besar, melaenken ini barisan dipake mendjaga benteng. Selaennja ini, Mohamed Ali pacha tjoema ada harepan besar atas 40.000 laskar prang dari barisan snapan dan meriam jang lengkep alat sendjatanja, tapi makan dan rawatannja ada djelek sekali, sedeng banjak officiernja jang blon paham betoel dalem ilmoe prang.
Maski begitoe Mohamed Ali pacha soeda bela negrinja sabole-boleh. Bermoela ia saiebarken soerat ideran pada anak soldadoenja, di mana ia
minta soepaja laskar prang dengen soenggoe hati bertempoer pada mpesoe, kendati moesti djadi binasa semoea. Kamoedian ia toelis satoe soerat pada pamerenta di Stamboel, aken minta dikirim soldadoe bantoean dan barang-barang jang perloe dipake boeat balatentaranja. Ia maoe geraken barisannja, soepaja bisa dapet perhoeboengan kombali dengen pasoekan prang jang