Satoe gadis jang tjantik enz.
221
peritoengan blandja lebi banjak dari jang sebagimana sabenernja telah dikaloearken. Bebrapa banjak barang mas inten dari kraton di Stamboel
soeda djato di tangannja soedagar-soedagar bangsa Inggris, Jood dan Armenia, samentara soerat oelang negri Toerki tiada bisa lakoe lagi di negri-negri Europa.
Njatalah sabentar pikirannja Sultan mendjadi senang, tapi sabantar poela ia djadi kesel. Ini sebab djoega djarang sekali Baginda Abdoel Hamid bisa tidoer poeles dengen senang.
Dalem itoe „Kamar mas" Sultan Abdoel Hamid ada berdiam saorang diri; di depan kamar ada berdiri satoe soldadoe jang moesti djaga pri kasadjatra'annja Sultan. Djoeroe astana Fuad bei, orang kebiri Sadaulah, soldadoe-soldadoe Circasie, Marsili, Tcheko, Arsaf dan Kasi, ada doedoek di permadani atawa tinggal berdiri sambil pegang gagang pedang, bersedia aken ditjaboet, apabila perloe atawa dapet prenta dari Sultan. Tiada saorang, kendatipoen wasir besar, boleh masoek di kamarnja Sultan, melaenken Sheik el Islam, djika ada oeroesan perloe, boleh disilaken masoek di sana, aken berdjoempa Khalief el Moeminin.
Djoestroe itoe waktoe Sheik el Islam berdjalan masoek, dengen di-iringken oleh saorang prempoean jang ditoetoep moekanja dengen kaen koedoengan poeti.
Dengen sigra itoe moefti besar boeka pintoe kamarnja Sultan dan terces masoek ka dalem
