— 10 —
goe, ja boelanan kadang-kadang berlaloe zonder Hok Oen memikirin hal itoe, aken tetapi, djika ia meliat kembang atawa boekoe dan laen-laen njang perna djadi milik iboenja............... lantes sadja Hok Oen terliat toendoeken kepalanja, kadang-kadang kakoeken dadanja seperti maoe melawan satoe serangan, tetapi achirnja toch ampir tida di liat satoe aer moeka njang bergirang en mata njang berkelak-kelik.
Di dalem bekas kamar mendjaitnja njonja Eng Tjaij, njang sekarang selaloe kosong sadja, ada tergantoeng portretnja Hok Oen selagi di gendong oleh iboenja. Di dalem temponja njang sedi atawa ia di gègèrin oleh si Isah, Hok Oen pergi ke sitoe di mana ia berkoei; dan ia mengambil sikep seperti djoega iboenja masi idoep, melengken boeat bisa merasahken satoe pelokan dan rasahken kepalanja ada reba di poendaknja dari itoe prempoean njang ia sajang, en tjinta padanja. Djika kamar itoe boeat hari njang soeda di tentoeken di bikin bersi, begitoelah terliat portret itoe dengen njala. Djoega sering keliatan njang kedoea anak ketjil itoe ada berdiri di depannja, setelah njang gedéhan lagi sedeng asik menjeritahken semoea hal njang ia inget dari portret itoe Goan Oen menoeroet sekali pada enkonja. Ia awasin sadja pada Hok Oen en dengerin satoe persatoe dari soedaranja ampoenja tjerita la menengok ke kiri dan kanan en pandang kamar itoe boeat sekean lama, kerna ia tida taoe lebi dari njang itoe kamar tertoetoep sadja. Begitoe poen ia bengong sadja setempo
