— 100 —
tida tega boeat adjak padanja poelang sekarang
„Di sini si tida slempang”, memikir ENG TJAIJ, „kerna banjak orang di sekiternja en akoe nanti kirim ISAH kaloe akoe liwatin roema akoe sebentar.”
Olehkerna soeda sampe temponja, makalah ENG TJAIJ pesen GOAN OEN njang lagi memaen sama anaknja toekang toemboek (HOK OEN ada djaoe lagi tangkep-tangkep balang) boeat djangan kemana-mana seblonnja si ISAH dateng.
Kemoedian sang anak dongakin moekanja ― ja masi koeroes kliatannja ― boeat menerima satoe tjioeman slamat tinggal dari papanja en menanja: „apatah kau tjepet balik papa en tida pegi-pegi lagi?”
„Tjepet sekali, anakkoe, en sesoedanja papa tida pegi-pegi lagi, seblonnja abis taon baroe. Ah, brapatah nanti kita rasahken senang, tetapi kau moesti djadi anak njang denger kata en djangan sakit lagi.”
„Baek pa, nanti akoe toeroet en tjoba soepaia djangan mendjadi sakit lagi.”
ENG TJAIJ mesem, ja satoe senjoem njang kloear lantaran satoe prangsahan sedi, en menjioem kemoedian anaknja, tjioem lagi dan lagi sekali en...... brangkat.
Sesampenja di loear pekarangan ENG TJAIJ menengok agar meliat anaknja lagi sekali. GOAN OEN njang masi sadja awasin papanja, sekarang gojang-gojang tangan seraja ENG TJAIJ samboet pembrian slamat djalan itoe GOAN OEN berdiri di tenga toemploekan bras seraja enkonja lagi
