— 110 —
senderan en baja lagi telegram njang tadi. Maski brapa kali ia batja poen, toch pekabaran seperti di kebanjakan kawat (telegram) tida nanti membikin ia terlebi trang en baeknja sadja ia masi ada pengarepan boeat sampe djangan terlaloe kalang-kaboetan kerna pekabaran itoe adalah boenjinja kira-kira begini: „Ada terdjadi ketjilakään. Doea-doeanja djato di empang, fida ada njang kelelep. Dateng lantes.”
Siapa djoega, njang membatja pekabaran seroepa itoe en batja lagi en perjoema sadja menjoba aken dapet keterangan sampoerna, nistjaja bisa mengarti pegimana ENG TJAIJ ampoenja bingoeng, seblonnja ia liat sendiri anak-anaknja en djoega djangan di loepa njang roepa-roepa pertanjahan sering di bikin, seperti: Apatah ini pekabaran tida tjoema sebagian sadja dari apa njang bener en njang laen di rasiaken? Apatah pekabaran ini tjoema boeat membikin orang djangan terlaloe poetoes pengarepan sadja? Kaloe itoe pekabaran bener adanja, apatah betoel tida satoe njang kelelep? Tetapi lantaran apatah orang soeroe ia lantes poelang, kaloe GOAN EN sehabisnja diato tida kenapa-napa, tida klenger atawa paja? Pakean njang basa tida nanti ganggoe HOK OEN poenja kesehatan, memikir ia; djadinja GOAN OEN moesti njang dapet tjilaka. la inget pegimana lemah dan poetjet adanja GOAN OEN setempo ia masi ada di pengilingan en apa lagi itoe bibir, njang sama djoega tida ada daranja!
Setelah spoor masoek di station Tjiandjoer, ENG TJAIJ slempangnja boekanja maen, en tida
