— 112 —
tida satoe menoesia njang bisa kasi ia ketrangan terlebi djaoe.
Semingkin ia deket roemanja, semingkin keras memoekoel hatinja. la ambil djalan njang paling pendek. Tida satoe orang kliatan, maoepoen si KEBON atawa njang laen. Hatinja rasanja mentjelos. la sampe di pintoe, boeka itoe en berdjalan ke dalem, ke kamar anak-anak. Tetapi di sini blon djoega kedengeran apa-apa ― maoe poen soearanja orang. Kamar anak-anak ada kosong.
la mentreak. Tida ada njang djawab. Ia mentreak kerasan. Ah serem amat tah bermoenji soearanja di roema begitoe kosong. Masi sadja blon ada njang ladenin; ia moendar-mandir di roemanja seperti andjing keilangan bininja, ia kedepan en boeka pintoe kamar toelisnja. Di sini ia denger soeara njang kalang-kaboetan, satoe koempoelan orang moendar-mandir di depan matanja, tetapi ia tida kenalin laen dari satoe badan ketjil, njang sembari pentang tangannja lari padanja en ia, dengen brasa bersoekoer pelok si GOAN OEN
seraja tangannja rebabken kepala anak itoe di dadanja la oesap-oesap tangan anaknja, en setelah sang anak maoe mengomong, ia tjioemin itoe moeloet njang moengil tida brentinja. Begitoe bersoekoer rasanja ENG TJAIj njang soeda dapet ketemoeken djiwanja lagi, sampe ia tida mendoesin, njang semasoeknja ia di kamar semoea moeloet pada terkoentji (semoea tida mengomong); tetapi sekarang ia samperin sala satoe boedjangnja en tanja pegimana itoe ketjilakahan soeda terdjadi.
