— 114 —
Bagian XV.
Tida satoe orang bersala atas itoe ketjilakahan, sedengernja anak-anak mendjerit boeat pertoeloengan, koeli-koeli pada lari ke empang en lantes naekin njang bertjilaka ke darat. ISAH lantes soeroe panggil satoe Dokter Djadinja tida satoe orang njang tida lakoeken kewadjibannja, begitoe poen tida satoe orang boleh di seselin — ketjoeali itoe anak-anak sendiri.
Dokter menerangken ENG TJAIJ, njang sekarang ia belon bisa bilang pasti prihal penjakitnja HOK OEN. GOAN OEN, njang itoe tempo masi ada di oedjoeng tjabang, soeda broentoeng djato ke aer lantes en tjoema pakeannja sadja njang basa, tetapi HOK OEN, lantaran ada deket pada pongkotnja poehoen, soeda terbanting ke tana dan keseret oleh itoe tjabang ke dalem empang en Dokter slempang njang toelang-blakangnja dan kepala ada berbahaja sekali bagi djiwanja. Begitoe poen djoega, soepaia njang menanggoeng bisa lekas semboe, ia lantes kawat pada doea Dokter njang terkenal sekali prihal penjakit di dalem-dalem toelang.
Itoe ketjilakahan ada mendadak sekali, hebat, en tida di doega! ENG TJAIJ tida abis pikir — ia tida maoe mengarti en pertjaja Dokter — dokter poen njang soeda kenal begitoe lama padanja, permoela ada sangsi en soesa boeat terangken,
