— 116 —
rangannja ― itoe tentoe artinja. Artinja ― kerna sekarang ia moelain mendjadi sabaran dan semoea perkatahan njang tadi glap sekarang ada terangan ― artinja; njang semoeanja, njang soeda- soeda slamanja bakal linjap sama sekali; semoeanja njang sebetoelnja ada poko dari pengidoepannja mendjadi linjap; njang keadahannja kemoedian nanti berada seperti patoeng, idoep kaga mati kaga! Kerna apatah artinja pengidoepan boeat HOK OEN sekarang di bandingken sama njang soeda-soeda? Njang perloe, jaitoe njang mendjadi poko dari ia poenja pengidoepan, sekarang soeda ilang, soeda tertjoeri. Apatah satoe poehoen njang pongkotnja di tebang bisa idoep dengen leloeasa?
ENG TJAIJ roepanja blon taoe banjak dari keadahan doenia, en maka poen di ini tempo ia tida pikir njang nasib anaknja ada terlaloe boeroek en njang pengidoepannja boeat di kemoedian hari soeda tida ada harganja sama sekali. Betoel apa njang ia lagi pikirin ada tjoekoep membikin ia djengkel, aken tetapi satoe hal laen lagi, jaitoe prangsahan poetoes-pengarepan masi blon terliat dari roepanja njang poetjet. Di kiterin oleh segala, apa njang djadi kesoekahan sang anak, memaksa ia mengela napas. Tida satoe senjoem terliat sekarang dari bibirnja HOK OEN, tida satoe tangan njang doeloean blon perna diam, sekarang berkoetik. Ah, ENG TJAIJ soenggoe tida bisa berboeat laen dari menarik napas sadja. Ia tida abis pikir anaknja njang tida abisnja mengridip, njang tjara memaennja tida taoe bahaja en badan
