— 120 —
poen pilek atawa batok. O, akoe bergirang sekali, njang OOAN OEN tida kenapa-napa en melengken akoe sadja njang besot.”
„Diam, diam, anakkoe!”
„Kau toch tida mara, boekan, papa? Ah akoe menjesel sekali njang akoe soeda nakal di poehoen; akoe tida nanti berboeat lagi. Papa djangan mara dong, ja?”
„Tida, tida, anakkoe ― akoe tida mara, tjoema sadja akoe menjesel sekali njang kau sekarang sakit.“
„Apatah akoe kliwat sakit? Kepala akoe kenapa? Apatah akoe lekas bisa baek lagi?”
„Itoe njang akoe harep, anak. Besok nanti dateng doea toean-toean, njang dengen soenggoe-soenggoe hatinja membikin kau lekas semboe.”
„Di harian pesta padi akoe toch soeda baek lagi, boekan ?”
„Pesta padi? Kapan tah itoe?”
„O papa, kapan kau soeda djandji maoe tentoeken harinja di laen minggoe. Hari apatah nanti djadinja?”
„Akoe ― akoe blon ― bisa tentoeken hari apa, anak.”
„Satoe hari troes koeli-koeli kerdja tida brentinja, papa ― djadinja semoea padi moesti lekas mateng. Hari Rebo sadja dah ja?”
Tida satoe djawaban terdenger, melengken soeara njang di dalem moeloet.
„Djadinja soeda di tentoeken. Apatah di hari Rebo akoe soeda baek betoel boeat memaen sama si RIMA?”
