— 133 —
anak begitoe ketjil pikirannja takoet boeat mati, en ia mendjadi heran sekali setempo ia denger itoe permintahan.
„Apatah kau maoe berdjandji pa? Kau toch taoe, njang akoe tida bisa hidoep setjara begini. Biarlah akoe pergi en berada di langit sama-sama iboe” En sembari menoendjoek ke portret ia teroesken: „Liat, pegimana broentoeng akoe berada setempo akoe masi ketjil, en O, akoe kepengen sekali ada di pelokannja lagi! Baek tadi, setelah akoe kira njang akoe ada di maleman GOAN OEN sakit, maoe poen seblonnja akoe taoe njang akoe bakalan tida bisa djalan en lelarian lagi, akoe soeda kepengen lekas-lekas mendjadi sakit dan mati boeat bisa dateng pada iboe, én sekarang akoe poenja niatan mendjadi terlebi kras dari njang soeda-soeda. Doeloean akoe pikir, niang akoe tida nanti bakalan sakit, kerna akoe poenja badan ada koeat; tetapi selkarang, akoe yakin, djadinja biarinlah akoe mati! Apatah kau maoe berdjandji tida aken berdaja boeat soeroe akoe mendjadi baek lagi?”
Tiga kali ENG TJAIJ tjoba mendjawab en tiga-tiga kalinja soearanja ia rasahken soesa di kloearin. Ia bisa djoega kloearin bebrapa pata perkatahan njang brengkali ada seroepa djawaban, en begitoelah djoega HOK OEN maskipoen ia tida denger, rasahken poeas djoega. Kebanjakan apa njang sang anak bilang, ENG TJAIJ tida bisa mengarti, ketjoeali itoe doea mata njang ampir tida brentinja mengawasin portret istrinja sadja. Olehkerna bekas kamar istrinja mendjait ia anegep seperti ter-
