— 136 —
Bagian XVII.
Seblonnja masoek ke kamar njang sakit lagi, ENG TJAIJ pergi ke medja toelis boeat menoeelis bebrapa soerat. Ia berpikir, atawa tida ada satoe orang njang bisa hiboerin padanja di waktoe begini djengkel, le-nja ada terlaloe toea boeat berlaloe dari roema, BOEN HO, temennja njang paling rapet, tentoe bisa hiboerin sedikit hatinja, tetapi ia ini banjak poenja oeroesan en blon lama dapet kawat njang ia moesti brangkat ke Betawi. Olehkerna temen itoe sering meliwatin Station Tjiandjoer, makalah ENG TJAIJ toelis, djika ia tida ada halangan, nanti soeka mampir en menginep di roemanja boeat semaleman.
Kemoedian ia pergi ke kamar anak-anak. GOAN OEN masi tidoer siang, en sekarang ia lagi tjelentang di randjangnia setelah RIMA ada temenin. ENG TJAIJ bongkokin badannja boeat bisa mentjioem anaknja, njang moekanja ketoetoepan bantal setelah satoe tanganja m3megang sepoentjoek padi. Setempo bibir papanja kena langgar djidatnia, ia mendoesin en mengrendeng „Enko HOK OEN.”
„Apatah itoe ia pegang?” menanja ENG TJAIJ pada si RIMA.
„Akoe rasa segoeloengan padi, njang ada kepoenjahannja ba HOK OEN,” menjaoet si boedjang, „en ia bilang njang tida satoe orang boleh pegang selaen adenja. Ia ketemoeken di podjok
