— 140 —
mana sang anak sampe meminta boeat mati. Ia soenggoe tida abis mengarti en pertanjahan boeat itoe, tinggal seperti badean sadja. Satoe anak njang kliatannja slamanja bergirang, en njang tida maoe perdoeli sama apa njang soeda en bakal kenjadian — satoe anak njang roepanja tida mengenal djengkel en njang kapan di omelin menjesel boeat sekedar sadja aken kemoedian di loepaken lagi — sekarang — sekarang — reba di sitoe — lagi toenggoe soeroeannja Toean njang berkwasa.
Blon perna djengkel? Ja, sebegitoe djaoe ENG TJAIJ bisa inget, blon, kerna lima hari sehabis istrinja meninggal ia liat anak itoe bermaen dan lelarian seperti biasa sadja, en sedari itoe hari ia blon perna denger sang anak seboet iboenja! En sekarang anak itoe seboet padanja, seperti djoega iboenja masi hidoep di depanja, seperti djoega ia soeda ada di laen doenia, di mana iboenja bernanti?! Dari manatah datengnja itoe semoea?
Kapantah ia perna pikirin toe? Pegimanatah bisa mendjadi njang ia, sedjek ia bisa djalan, slaloe kliatannja goembira sadja, sekarang soeda bersedia aken kasi slamat tinggal semoea kesenangan itoe?
ENG TJAIJ kliatannja seperti orang kalap, setelah hatinja tida brentinja mengata: „Ai, akoe soengene tida abis mengarti.”
Memang anak-anak di berkatken oleh Allah soepaia hatinja djangan terlaloe memikir sadja en melengken inget kesenangan atawa kedjeng-
