— 157 —
„Tida HOK OEN, empe tjoema kepengen kloear sebentaran sadja, berkata JOE TJAIJ sembari tjaboet dengen plahan targannja dari pelokan HOK OEN.
„Tjepetan! tjepetan!" berkata sang anak dengen sengal-sengalan en soearanja ampir sadja tida kedengeran lantaran menahan takoet.
ENG TJAIj tjoba boedjoek padanja en harep soepaja ia bisa sabaran, tetapi setempo empenja soeda berlaloe dari kamar, tidalah boleh di sangkal lagi njang ia rasanja terlaloe sangsara sekali boeat kloearken sesoeatoe perkatahan. Mendongkol dan lelahnja membikin ia terlebi bingoeng dari njang soeda-soeda, en sesoedanja satoe atawa doewa kali seboet nama empenja, lehernja rasanja menempel en maskipoen bibirnja njang poetjet berkemak-kemik, toeh tida kedengeran satoe pata perkatahan. ENG TJAIJ kliatannja poetoes pengarepan; sang anak liatin padanja dengen roepa begitoe doeka seperti djoega ada satoe hal teramat penting ajang la ingin bilang, sampe sang ajah rasanja lemes boeat pandang anaknja terlebi lama.
la koempoelken semoea pikirannja boeat bisa mengarti apa adanja keinginan roepa iloe, tetapi pertjoema sadja. Setempo ia denger empenja dateng kombali, hatinja boeat sementaran waktos rasanja legahan dan koeatan; dengen sekentjeng-kentjengnja ia pegang tangan ajahnja en berkata:
„Berdjandji !"
„Akoe berdjandji anak," menjaoel ENQ TIA dengen tjepet, bertrima kasi njang ia toch masi bisa denger satoe perkalahan.
