— 16 —
Begitoe lah HOK OEN bengong sekoetika lama sembari mengarep satoe djawaban.
JOE TJAIJ rasahken hatinja seperti di kitik-kitik en begitoe poen boeat menjega ketawanja selagi makan, ia toendoekin kepalanja semingkin tandes ke deket piringnja.
Akoe taoe apa ia kepengen sekali dapet", mengotje HOK OEN teroes, „sebab ia perna bilang pada akoe."
MIRAN kita njang kemalocan soeda angkatin piring-piring kotor dengen tjepet soepaia bisa berlaloe sementaran, tetapi apa latjoer, kerna baroe sadja ia sampe di dapoer, apa maoe si kokki soeroe bawa kocwe en kepaksa ia moesti lekas balik kombali.
„Akoe tanja tadi pagi padanja," meneroesken HOK OEN omongannja, maskipoen MIRAN pesen wanti-wanti boeat djangan menjeritahken maski pada siapa djoega.
„Djika papa maoe kasi kau apa-apa, apatah njang moe ingin MIRAN ? Kau toch tadi bilangin pada akoe, boekan?" - Mendenger perkatahan njang blakangan ini, MIRAN tida sanggoep lagi en lantes sadja, maskipoen ia pegang piring makanan en kiterin itoe, lari ke pintoe dapoer en mengilang.
Ia tida perdoeliken lagi prentahnja si kokkie njang lantes sadja mengomel; — begitoe sanget ia ampoenja maloe. Berbareng dengen kedjadian itoe JOE TJAI poen tida tahan lagi en lantes sadja ketawa besar.
