— 23 —
koepoe, „Apatah ja tida nanti kegerahan en ketjapean seblonnja kita sampe di penggilingan?”
„Ia ada satoe anak njang bagoes srenta keliatannja koeat dan seger,” menjaoet JOE TJAIJ sembari matanja ikoetin larinja HOK OEN.
„Betoel.” mengata ENG TJAIJ. „HOK OEN belon perna satoe kali sakit sedari ia di lahirken. GOAN OEN sebaliknja ada kenji, poetjet en koeroes. Akoe slempang njang ia ada toeroenin iboenja.
Ia sama sekali tida koeat, enko JOE, en sedikit ketampar angin njang kentjeng sadja, tentoe ia djadi koerang enak badan; kadang-kadang akoe mendjadi slempang sekali.
Brengkali kaloe ia besaran, plahan-plahan ia boleh mendjadi koeat; akoe inget, njang akoe poen begitoe setempo akee masi anak-anak en kelamahan sampe sekarang akoe tida dapet ganggeoean apa-apa lagi.”
Sembari meagomong ia tida mendoesin njang ia berdjalan soeda djaoe en belon rasahken tjape.
„He, siapatah njang meninggal?,” berkata ENG TJAIJ setelah baroe sadja ia blengkok soeda meliat tetarep en tanda orang kenilangan.
HOK OEN zonder ketaoean lagi soeda sampe di goeboek orang berdoeka itoe, sembari pikirannja ketarik oleh satoe Hwesioh njang sedeng gojang-gojang klenengan.
Ia awasin Hwesioh itoe en kedoea matanja ikoetin tindak-tindakan dan moeloetnja orang itoe njang lagi sedeng mengotje, (brengkali lagi oesir-oesir setan). HOK OEN bengong sadja srenta
