— 27 —
apa boekannja nona-nona,” menjaoet GOAN OEN dengen plahan, kerna ia selaloe taoe njang ia bakal kala omong sadja.
„Boekan, ia poen boekannja satoe nona, sepegimana akoe rasah pantes di panggil nona,” mengata HOK OEN, ini kali tarik adenja ke dirinja, soepaia njang laen tida bisa denger. „GOAN, enko soenggoe tida bisa petahken pegimana moestinja satoe nona, kerna, kerna, moe toch tida kenal pada mama.”
„Ije,” menjaoet GOAN OEN en kemoedian ia bengong.
„En siapatah GOAN OEN papa aken pili boeat itoe pesta?” menanja ENG TJAIJ.
„Ah, pa si MINA sadja, kerna ia ada anak prempean satoe-satoenja njang akoe kenal,” menjaoet GOAN OEN.
„Baek, sekarang kan pada-pada soeda ada pasangannja, HOK OEN sama pasangannja njang gede serta koeat en GOAN OEN sama anak prempoean njang satoe-satoenja ia kenal.”
Memandang anak-anaknja, ENG TJAIJ kemoedian mesem.
„En kapantah semoea bakal terdjadi, pa?”, menanja HOK OEN. „Ah, tetepin dong harinja.”
„Kapan padi semoea soeda koening betoel, itoe hari lah kau boleh anggep sebagi hari pesta,” menjaoet ENG TJAIJ. „Ini taon papa ada bli masin giling, maka itoe semoea nanti mendjadi beres, kaloe koeli-koeli kerdjanja radjin.”
„Saban hari akoe nanti pergi ke sawah boeat
