— 34 —
Sekarang keliatannja berdoea anak itoe rèpot sedeng pake-pakean en sesoedanja ada di loear kamar, pintoe njang baroesan ia boeka tida di rapetin lagi, boeat menoenggoe empenja njang maoe brangkat.
Soenji sekali keadahan di itoe tempo, kerna semoea orang di dalem roema belon ada njang pada bangoen.
Plahan kedoea anak itoe berdjalan kloear. Ia menengok ke kiri dan kanan, ia liat krosi-krosi dan medja-medja, tetapi semoea keliatannja serem, kerna pintoe semoea masi terkoentji en hawa di dalem roema masi menjiarken baoe njang tersekep.
Ah enko HOK OEN, mari dong pegang tangan akoe," berkata GOAN OEN njang meliat soedaranja maoe boeroe-boeroe boeka pintoe en kloear.
Itoe tempo lotjeng baroe mengoetarahken djem stenga anem en di loear roempoet-roempoet semoea masi pada basa lantaran halimoen.
Adalah ia berdoea berdiri di loear boeat kira-kira lima minuut, apa maoe HOK OEN njang tida sabaran lantes berkata:
GOAN, hajolah kita kemana ké doeloe, kerna semoeanja toch belon pada bangoen."
„Habis enko maoe kemana begini pagi?"
„O, GOAN, enko poenja niatan banjak sekali, sampe betoel enko slempang njang semoea nanti tida bisa di lakoeken," menjaoet HOK OEN.
„Tida banjak, sedikitnja kita bisa toeroet apa njang empe JOE TJAIJ kemaren tjerita. Kau toeh tida takoet boeat mandjet di poehoen njang letaknja di pinggir empang, GOAN? Itoe poe-
