— 43 —
Bagian V.
Tempo njang aken mengasi kedoea anak itoe roepa-roepa kegirangan, jaitoe menoeroet empe JOE TJAIJ ada harian orang-orang boeas di oendang, soeda sampe.
GOAN OEN brasa menjesel sekali njang maskipoen ia boleh di bilang soeda semboe, ia masi belon boleh berlaloe dari kamar. HOK OEN soeda berkali-kali rondaken roema. Djoega ia soeda perloeken masoek di dapoer di mana ia liat, njang persediahan boeat orang-orang bocas bersantap ada seroepa sadja sama persediahan boeat orang-orang biasa.
„GOAN, enko rasa njang orang-orang boeas ini kali bakal makan seperti orang biasa sadja,“ mengata HOK OEN njang brengkali soeda ampir sembilan poeloe sembilan kali kiterin roema.
„Ja, lantaran ia semoea di oendang si,“ menjaoet GAON OEN.
Kemoedian kedoea anak itoe diam sadja en pastilah pikirannja melajang tida ke laen tempat dari memikirin dateng ― en berkoempoelnja orang- orang boeas itoe. ENG TJAIJ poelangnja laat sekali, njang lantes sadja pergi ke kamar, di mana GOAN OEN berada. Begitoelah ia tida dapet liat HOK OEN, njang soeda di toekarin pakean en rapi adanja, boeat menjamboet pada tetamoe-tetamoe.
ENG TJAIJ tida bisa berdiam lama pada GOAN OEN, olehkerna di loear soeda menoenggoe be-
