— 49 —
Di atas pertanjahan itoe hatinja ENG TJAIJ rasanja mentjelos. Boeat membilang njang ia ada banjak oeroesan, memikir ENG TJAIJ, toch pertjoema sadja en begitoelah ia berdiam sekoetika bebrapa minuut lamanja setelah berbareng dengen itoe berbajang kedjadian njang doeloe-doeloe di hadepannja.
„Kenapa kau tanja begitoe HOK OEN? Manatah tida lebi baek kau ambil topi moe en kita djalan-djalan ke passar. Sajang kaloe kita diam di roema sadja, kerna langit ada terang en hawanja tedoe.”
Rasa menjesel njang tadi, roepa-roepa pertanjahan njang HOK OEN niat bikin mendjadi linjap, ilang semoea en sembari lari-larian ia menjanji: „Hoeree akoe djalan-dialan ke passar.”
GOAN OEN kelialannja sedi sekali tempo meliat njang kreta soeda sedia di depan en baroelah ia rasahken senangan setempo enkonja dateng doeloe ke kamar dan bisikin padanja.
Djem 4 ENG TJAIJ dan HOK OEN naek di kreta; di djalanan banjak sekali pertanjahan njang HOK OEN bikin seperti: „Apa papa liwatin toko-toko; akoe maoe blandja di sana?”
„Apatah njang kau maoe beli?”
„Ah pa itoe ada resia besar sekali, sampe akoe tida brani menijeritaken pada moe, ketjoeali papa bisa simpen itoe resia.”
„Ja, akoe rasa njang akoe brani berdjandji tida aken boeka resia itoe.”
„Nah kaloe begitoe baek; resia itoe adalah seroepa barang boeat papa poenja hari taon.
