— 50 —
Apatah njang papa maoe? Tetapi papa moesti djandji djangan bilangin siapa-siapa.“
„Baek,“ menjaoet ENG TJAIJ. „Tetapi lebi baek kau sendiri njang pilihin boeat akoe; apa njang kau rasa bagoes tentoe akoe poen rasa begitoe.“
„Ah mana si boleh djadi. Tjoba kaloe akoe maoe andjing-andjingan, manatah boleh djadi pantes boeat papa, boekan.“
ENG TJAIJ mengakoe niang ia ada ketoeahan boeat satoe andjing-andjingan.
„Liat, akoe taoe,“ mengata HOK OEN njang bergirang soeda bisa memikir begitoe djaoe. „En itoe njang membikin akoe soesa. Papa ada poenja aer lodji, pipa, dompet en itoe semoea ada boeat orang-orang toea; dari itoe akoe kepoetoesan akal.“
„Tetapi barang itoe semoea mahal, kemahalan sekali boeat kau, akoe rasa HOK OEN. Doeit kau ada brapa banjak?“
„Ja, itoe memang njang paling soesa; akoe sama sekali tida ada poenja oewang. Tetapi akoe rasa njang papa nanti maoe kasi akoe barang sebrapa kè sadja. Pemblian itoe toch boeat papa sendiri ampoenja hari taon.“
ENG TJAIJ mendjadi tertawa sendirinja. „Akoe rasa tida begitoe mahal. Soeda tentoe bergantoeng sama apa njang akoe beli,“ mengata HOK OEN njang seperti kenal harga-harga barang.
„Ini dia tokonja, soeroe brentiken dong pa?“
Kreta brenti di depan satoe toko lelang njang di djaga oleh satoe prempoean toea.
„Papa diam sadja di kreta en djoega djangan
