— 7 —
njang di boeat perbedahan? Apatah ia tida rasahken pelokannja HOK OEN dengen kedoea tangannja njang kapalan tida anget djoega? Apatah setempo HOK OEN ada di pelokannja ia tida denger itoe hati njang memoekoel en bisa menjinta? Boleh mendjadi apatah sebetoelnja niang HOK OEN tida bisa pegang djandjinja en loepa apa njang ia di soeroe, asal sadja ia tida loepa pada iboenja?
Apatah HOK OEN tida brasah soekoer en hargahken sesoeatoe tjioeman iboenja njang djato di pipinja?
O, drapatah antjoer pikirannja HOK OEN setempo ia di tinggal iboenja boeat selama-lamanja.
Setempo TJIONG NIO sakit, HOK OEN temenin sadja en ia tida njana njang iboenja semingkin lama mendjadi semingkin koeroes en O, itoe tempo, waktoe njang pengabisan kali iboenja berada di dalem doenia, O, itoe mata njang keliatanja dalem en tida brentinja menoedjoe padanja sadja; ah, djika di inget pada tempo itoe, itoe waktoo njang pengabisan kali, di dalem saät mans iboenja taro tangannja njang koeroes, di atas dada di mana doeloean HOK OEN biasanja senderin kepalanja boeat minta di ampoenin atas ia ampoenja klakoean en boeat menjatahken menjeselnja.
Terlaloe djengkel lantaran meninggalnja ia ampoenja istri, ENG TJAlj permoela djarang sekali maoe diam di roema en begitoe poen djarang bisa liat anak-anaknja. Setempo ia moelain open lagi sama anak-anaknja, ia heran sekali meliat
