— 73 —
senan njang bergoena itoe en kemoedian toentoen anak-anak ke depan.
Entjek A HIE girang sekali boeat itoe bingkisan, sampe ia tida bisa simpen niatannja, jaitoe aken ketemoeken temen-temennja sama siapa soeda bertaon-taon ia tida mengomong lantaran soesa denger dan mengarti pembitjarahannja.
Tida lama kemoedian ISAH sampe en entjek A HIE bilang njang ia maoe mengomong padanja. Boekannja maen HOK OEN poenja girang. Selagi boedjangnja sedeng asik mengomong HOK OEN panggil adenja en bisikin ini, djika maoe kenal senang, aken soeka toeroet padanja boeat meliat empang, di mana sekarang tedoe sekali adanja. Begitoelah zonder taoenja ISAH kedoea anak itoe menerobos dari pintoe pager en mengilang.
Semoea pesenan papanja ilang, linjap itoe sama sekali en olehkerna ia tida bakalan mandjet, makalah ISAH ia tida begitoe slempangin.
ISAH njang roepanja masi sadja blon maoe brenti mengobrol, tida mendoesin njang djagahannja soeda.............boeron.
