— 80 —
dalem tempo seperti sekarang, biar pegimana poen ia soesa dapet hiboeran, kerna pikirannja slaloe melajang sadja ke njang soeda-soeda en apa njang bakal terdjadi (jaitoe kematian) dan djoega pada dirinja sendiri njang kemoedian moesti toentoet pengidoepan njang tida laen dari mendjalanin hoekoeman di ini doenia. Kasianan si HOK OEN njang moera hatinja en sekarang begitoe menjesel atas perboeatannja njang sala Abis apa maoe di kata sekarang? Kenapa djoega ia tida bisa ati-ati, tida bisa memikir pandjang doeloe seblonja berboeat apa-apa?
Papanja sendiri, njang sering senang hatinja meliat GOAN OEN geli ketawahken perboeatan enkonja, sekarang kliatannia kesel sekali en atjap-kali terdenger plahan kloear dari moeloetnja: „Ah itoe anak soenggoe tida ada poenja hati!”
Tida mempoenjain hati, setelah anak itoe dengen antjoer pikirannja memasang koepingnja di bawa pintoe, boeat bisa mendènger dari keadahan soedaranja!? Piloe lantaran mendongkolnja si ISAH, maoepoen dari kekeselan dan goesar papanja en sanget menjesel lantaran ia tida bisa memegang djandji, HOK OEN reba sadja di bawa pintoe setelah aer matanja mengembeng.
Boekan sadja kedjengkelan, tetapi poen pengrasahan njang loear biasa sekali, lantaran sekarang tida ada njang open padanja, menindi brat di atas dirinja. Itoe pengrasahan njang „semoea orang tida maoe deketin lagi padanja”, lantaran ia njang mendjadi sebab dari GOAN OEN ampoenja sakit,
