— 82 —
Tetapi kenapa tah sekarang moesoe itoe kloear lagi? Tjara pegimana iah ia moesti lawan? Pegimana tah ia bisa sanggoep? la tjoba memikir dari keadahan kebonnja, tjara maennja, ja dari semoea njang mendjadi poko dari kesenangannja.
Liat sekalian Iboe dan Ajah en menanjalah diri moe sendiri — apatah kita tida sering mengalamin djengkel setjara begitoe sama itoe prangsahan? Apatah prangsahan njang gelap itoe, kita, njang soeda mempoenjai pikiran, boekannja namahken KESEL en sering menanja diri sendiri: „Tjara pegimana tah kita nanti bisa singkirken itoe?" Tjoba apa sadja moe bilang, seperti piloe, poetoes pengarepan pendeknja apa sadja njang membikin moe KESEL, apatah prangsahan itoe seboleh-boleh kita tida maoe laloeken? Apatah orang-orang njang ada mempoenjai oewang pergi ke laen tempat dengen terlebi doeloe zonder di ganggoe oleh soeatoe prangsahan itoe njang tida laen dari berarti KESEL en tida kah si Miskin pergi ke sini dan sana boeat mentjari pengiboer?
Di dalem keadahan begitoelah sekarang HOK OEN sedeng berada. Di sebla sini ada itoe gang, di mana ia blon lama bertjanda sama adenja. Kenapa tah pembawanja gang itoe ada laen sekali? Itoe rasa kesepian di dalem hatinja ada begitoe sanget, sampe apa sadja, kliatannja mendjengkelken.
Belon perna ia kesepian begini, zonder soeatoe pengiboeran sekali. Tida satoe soeara terdenger, tida seroepa barang berdjiwa terliat; hari malem
