— 9 —
di tempat itoe iboenja tida bakal samboet lagi padanja dengen senjoemnja njang menjinta. Ia inget njang kedoea koeping mamanja tida bakal sedia sadja aken mendengerin semoea ia ampoenja tjerita. Ia taoe njang tjioeman dari orang njang ia tjinta itoe tida nanti djato lagi di atas pipinja en begitoe poen soeara njang aloes, njang mengasi ia roepa-roepa nasehat.............. Dan, kesoedahannja HOK OEN tida bisa berboeat laen dari pada djatohken tangannja seperti poetoes pengarepan en pergi, djaoe sekali dari roemanja boeat loepahken sebrapa bisa semoea ingetan itoe en rasa kesepian. Tjoema Allah lah sadja, njang tinggal tinggi di langit-langit meliat semoea keadahan, taoe apa njang ada berdjangkit di dalem hatinja anak ketjil itoe; melengken Allah lah sadja njang liat, njang bantal tidoernja HOK OEN sering penoe dengen aer mata en denger di tenga malem njang soenji seroepa djeritan dari dalem hatinja anak ketjil itoe njang berdoeka: „O, iboe! iboe! apatah zonder moe anak moe moesti berboeat?!“
Ini semoea terdjadi doea taon di moeka dari hikajat njang aken di toetoerken, jaitoe tempo moesin oedjan mengambil giliranja en setiap hari toeroen, di satoe hari mana kedoea anaknja ENG TJAIJ ada di djendela dari kamar maennja. GOAN OEN, njang setempo masi ketjil sekali soeda di tinggal oleh iboenja, soeda boleh di bilang tida inget sama sekali lagi, aken tetapi HOK OEN njang perna toeahan kedjadian itoe sama djoega baroe berselang sebrapa hari sadja, Berminggoe-ming-
