10
Orang prempoean haroes taoe.
moesti soeda didjagain dari lebi doeloenja. Kalemahannja anak sering kali meniroe dari iboe bapanja, maka djikaloe ingin mendapet toeroenan jang sehat, biarlah ia oesahaken dirinja sendiri soepaja mendjadi sehat terlebih doeloe, dan ini melaenken dengen djalan, koedoe berhati-hati, sadarhana dan bisa menoeroetin segala takerannja jang soeda dibri oleh kwasanja Allam. Daritoe sekarang kita berasa perloe aken salin ini boekoe jang maski boeat jang soeda kasep brangkali tiada aken menoeloeng sebrapa, tapi boeat mendjaga jang aken dateng saja rasa ada besar goenanja. Dan oleh karena saja rasa blon sampe ada banjak boekoe-boekoe jang membri pengatahoean oemoem pada orang prempoewan, maka biarlah boekoe ini, dengen menoendjoek berbagi-bagi perkara dan peliharaan atas orang beranak, nanti mendjadi satoe boekoe batjaan goena orang-orang prempoewan sebagi djoega boekoe pengadjaran jang oemoem bagi orang banjak ―― Itoelah pengharepannja kita orang jang karang dan jang salin ini boekoe sama-sama, sedang prihal recept-recept obat jang kita rasa ada lebi banjak bahaja dari pada baeknja aken dipake dengen zonder printahnja dokter, lebi baek ditiadaken sadja sebab itoelah boekan termasoek pada pengatahoean oemoem jang telah dikoerniaken oleh kemahoean Allah. ― Adanja.
