— 323 —
loe soeda begitoein, masa si loe tjoema brani ka-loear oewang doewa poeloe, sedeng goea taoe te-rang loe ada saorang kajah!“
„Nah baeklah goea nanti kasi tiga poeloe saban boelan, tapi loe tok misti timbangin djoega: ba-njak-banjak dari mana goea dapat doeit?“
„Hala djanganlah kata begitoe! Kaloe orang jang keh loe masi maoe kata engga ada poenja doeit, habis siapa lagi jang ada poenja oewang?“
„Loe tjoema taoe kata begitoe sadja, apa loe taoe brapa doeit goea dapet saban boelan, itoe tok loe misti timbangin djoega.“
„Djanganlah kata begitoe, Koei-tjoan, apa si orang engga taoe jang loe poenja bapa ada tokonja?“
„Betoel begitoe, tapi dia poenja oewang boekan ada goea poenja oewang. Apa goenanja di banjak doeit?-goea tok engga boleh pakeh menoeroet goea poenja soeka.“
„Hala loe tok boleh minta dari loe poenja mah saban-saban loe kakoerangan doeit, kaloe keh oewa Boen-hoei jang anaknja loe soeda begitoein siapa jang nanti kasi berlandja sama dia?-ini tok loe misti inget.“
,,Goea poenja mah loe kira ada begitoe gampang maoe dengerin sadja goea poenja moeloet? Tapi tiga poeloe tok goea kira ada sampe tjoekoep boeat dia pakeh onkost, kaloe maoe dibitjarain jang lojar, siapa jang nanti bisa tanggoeng? Tjoba loe pikir : betoel engga?
