— 348 —
njatahan jang terang, bahoewa Kwe Keng Todjin tida sanggoep boeat landjoetken itoe pertandingan lebi djaoe.
Kwe Keng jang mendenger itoe semoea perkatahan, djadi merasa maloe dan terpaksa doedoek kombali. Tapi laganja tida begitoe tjongkak sabagimana pada bermoela-moela.
Dengen mata jang saparo disipiti ia memandang ka panggoeng sebla Koelon, seperti maoe doega-doega, kasaktian apa jang itoe satroe nanti kaloearken. Dalem hatinja ada penoeh dengen rasa koeatir, sebab pikir: kaloe Oan Swie tida mempoenjai rasa kasian dan maoe bales perhinaännja jang tadi tentoelah itoe moesoe kaloearken ia poenja hikmad jang moestadjeb, hingga djiwanja boleh djadi binasa.
Lantaran memikir begitoe, hatinja djadi teramat keder dan moekanja jang tadi berwarna mera lantaran rasa djenga sekarang djadi beroba poetie. Salagi Kwe Keng Todjin bengong memikiri apa jang bakal terdjadi atas dirinja, kaliatan Hoensi Moong ambil la poenja djimat Houwlo dan dari ini tjoepoe-tjoepoe wasiat, jang satelah ditoenggingin, lantas kaloear satoe boea tho jang berwarna mera.
Dengen soeara njaring Oan Swie minta sala satoe di antara itoe penonton-penonton jang berdiri di bawah panggoeng, toeloeng tanemin ini boea tho di dalem tana. Dan permintahan ini si-
