— 361 —
Moöng djadi terkedjoet jang tertjampoer girang, dengen merasa heran djoega bagimana itoe sobat lama boleh ada di sini.
Oan Swie jang maoe berlaloe lantas kasi alesan, bahoewa ia ada perloe boeat bitjara pada itoe orang, maka menjesel jang ini oendangan tida bisa ditrima. Tapi ini pembesar jang ada mempoenjai niatan keras, lantas berkata: kaloe begitoe, baeklah adjak sadja itoe Hohan dateng bersama-sama ka roemanja.
Mendenger ini djawaban, Oan Swie terpaksa toeroet djoega, kerna sekarang tida ada djalan boeat ia menoelak teroes-teroesan. Begitoe satoe boedak laloe diprenta pendang Tjoa leng dateng ka itoe tempat dan kamoedian tiga orang itoe berdjalan ka roemanja pembesar terseboet.
Sasampenja di roema hari telah mendjadi sore. Liang-sih silaken dengen hormat kadoea tetamoenja doedoek di roewangan dalem, dan berbareng itoe, disadiaken djoega kamar-kamar boeat tempatnja itoe orang gaga dan orang berilmoe.
Satoe pada laen lantas adjar kenal dan sabelonnja bitjara-bitjara lebi djaoe, pengawal pintoe dateng membri taoe, bahoewa di loear ada dateng oetoesannja Tong Djoebit jang minta katemoe.
Mendenger ini lapoer, Liang-sih lantas permisi pada Oan Swie dan Tjoa leng boeat ia katemoein tetamoenja, dan kadoeanja ini harep soeka mengaso di dalem kamar. Lebi djaoe Liang-sih kata: sebab datengnja itoe oetoesan ada boeat membi-
