— 362 —
[[hws|tjaraken||membitjaraken)) oeroesan negri, maka tida boleh tida moesti dikatemoeken, dan harap Oan Swie tida ketjil hati.
,,Oh, itoelah tida sekali," kata Oan Swie dan Tjoa leng dengen berbareng.
Waktoe pembesar itoe kaloear, Oan Swie bersama sobatnja soeda ada di dalem kamar jang bersi, dimana ada disadiaken thee dan laen-laen barang kaperloean.
Oan Swie jang memang dari tadi belon menanjaken halnja itoe sobat, laloe menanja, bagimana Tjioa leng boleh ada di sini.
Tjoa leng kasi taoe satoe persatoe dengen ringkes, kamoedian balik menanja pada ini sobat, kamana sakean lama ia telah berlaloe dan apa sebabnja boleh mengadoe kasaktian pada Kwe Keng.
Dengen tertawa Oan Swie laloe kasi tane satoe persatoe apa jang mendjadiken sebab ia bikin itoe pertempoeran, sabagimana jang di sebla atas pembatja telah taoe.
Sasoedanja beromong-omong sedikit waktoe,Oan Swie itoe berkata poela:
,,Ini tempat akoe rasa boekan ada satoe tempat jang santausa boeat kita-orang boleh berdiam lama. Maka kaloe kaoe satoedjoe, baek esok pagi kita-orang berangkat sadja, belon taoe bagimana kaoe poenja pikiran ?"
,,Ja, memang djoega boeat apa kita-orang berdiam lama-lama di sini." saoetnja: ,,kita poenja
