— 390 —
,,Ja. Itoelah memang betoel," saoetnja Tong Koan sambil manggoet.
,,Nah, kaloe begitoe sekarang troesa kita terlaloe pikiri oeroesan boeat mendjaga orang Tayliauw," kata Lie Liang-sil: ,,sebabudaja boeat alahken itoe fihak, kita telah dapetken dan tentoe djoega bakal berhasil. Tjoema sekarang kita haroes berichtiar boeat moesnaken kawannja Song Kang, jang dalem waktoe blakangan ini soeda terbitken banjak hoeroe-hara di bebrapa tempat, seperti merampok, memboenoe pembesar-pembesar dan rampas pesakitan di tenga djalan, dan kaloe perboeatan begitoe diantepi sadja, pasti bakal mendatengi bahaja jang boekan ketjil di dalem negri."
,,Ja, boeat tangkep itoe bekas kawanan begal, memang soeda lama ada dikaloearkan firman oleh Sri Baginda," kata Tong Koan: ,,tapi sampe sekarang belon ada kadengeran orang jang dapet langkep sala satoe antaranja."
,,Itoe kawanan begal soenggoe ada terlaloe koerang adjar sekali," kata Lie Liang-sih: ,,oh. Djoebit tida taoe apa jang seda terdjadi dalem waktoe blakangan atas dirinja Kwe Siantiang, pada sabelomnja kita-orang berangkat ka mari."
,,Terdjadi hal apatah ?"
,,Tentang pengadocan ilmoe."
,,He, tjobalah toetoerken," kata Tong Koan jang merasa heran, kerna sadari orang-orang ini dateng, belon sekali ada dibitjaraken hal itoe.
Liang-sih moelai menoetoer.
