— 393 —
gri telah kaloearken prenta, hanja bisa membales djoega Kwe Siantiang poenja maloe.”
„Itoelah ada bener sekali. — Menoeroet kabar jang akoe denger ia ada berdiam di Djisiangsan dalem gredja Tjilikiong. Boleh djadi djoega ia poenja diain itoe boekan sawadjarnja boeat semboeniken diri, hanja tjoema menoenggoe waktoe jang baek boeat bergebrak, sebab kaloe ia donger kita soeda moelai maloemken perang pada bangsa Tayliauw, ia bersama kawan-kawannja tentoe lantas terbitken pemberontakan aken bikin soesa pada negri. Atawa kaloe boekan begitoe, sedikitnja ada mengganggoe prikeamanan.”
„Bener sekali. Itoe kawanan orang-orang terkoetoek tida boleh ditinggal diam sampe ia djadi besar!”
Sahabisnja kata begitoe, Tong Koan laloe berdami lagi pada ini Tjamkoen, tjara bagimana dan siapa jang dirasa boleh kapalaken balatentara aken pergi ka Djisiangsan.
„Tida ada laen orang jang lebi baek dari Kw Siantiang,” kata Lie Liang-sih: „selaennja boleh dapetken pahala, ia boleh membales djoega itoe sakit hati dan rasa maloe jang dirinja telah dipetjoendangin.”
Tong Koan trima baek ini advies, maka itoe hari ia laloe panggil Kwe Keng dateng mengadep dan dikasi taoe itoe maksoed jang baroesan dibitjaraken.
