— 44 —
Djoega dalem bebrapa hari belon pernah ia kaloearken oewangnja boeat membri persen, sedeng makanan-makanan jang dibeli di sapandjang djalan, tida lalis ia maoe bagi pada itoe oppas-oppas.
Pada soeatoe sore marika telah sampe di post Jong Kioe? Kerna pengoeroes itoe post tida kaloear menjamboet, Ong Hoe djadi amat goesar dan dengen perkatahan keras ia berkata:
"He, apa kaoe tida taoe, jang kita-orang ada mantri-mantri besar, mengapatah kaoe tida kaloear samboet, hanja tinggal mengawasi sadja kadatengan kita-orang semoea ?“
"Soeda tentoe pengoeroes dari ini tempat nanti kaloear menjamboet," kata itoe pengoeroes post dengen soeara menjindir: "kaloe sadjalebi doeloe dikasi kabar. Maski mantri besar atawa panglima jang bagimana tinggi djoega pangkatnja, kaloe dateng dengen diam-diam, manatah orang bisa dapet taoe? — Tapi kaoe ini siapatah, he ?"
Ong Hoe djadi amat mendongkol, satelah denger penjaoetannja itoe pengoeroes post. Lebi lagi sahabisnja berkata demikian, orang itoe berdjalan kaloear, dengen tida sekali maoe perdoeliken padanja.
Dorna ini rasaken peroetnja maoe meledak-
