— 45 —
Tapi apatah ja bisa berboeat, salaennja tinggal diam dan bikin soeda sadja itoe perkara. la taoe jang orang tida liat mata lagi pada dirinja, kerna sedikit poen itoe pengoeroes post tida melajani apa-apa.
Sasoeda hari mendjadi malem, ia laloe prenta hambanja sadiaken makanan dan bersama-sama doea kawannja Ong Hoe doedoek hadepi barang-barang makanan, jang dibeli di djalanan dan roepanja amat lesat.
Oppas kapala satelah liat Ong Hoe makan bertiga, dengen tida sekali maoe menawar-nawarken padanja, djadi merasa koerang senang. Kapala oppas itoe lantas panggil kawannja boeat mendjaga, sedeng ia sendiri lantas rebahken diri lantaran tjape.
Ong Hoe makan minoem sambil beromong-omong. Saban-saban ia toewang kombali araknja ka tjawan jang telah kosong, dan berkata pada itoe doea kawan:
„Liatlah, kaloe pengaroe soeda tida ada, sagala koertjatji brani liat tida mata. Doeloe djangan sentara sagala bangsa tjeroeroet jang begini matjem, hanja ambtenaar besar masi menaro hormat pada kita,"
„sekarang apa maoe kata, saoet kawannja sambil mengelah napas.
„Sekarang kita soeda terdjato dalem katjilaka-
