— 47 —
maitnja itoe tiga dorna jang soeda tida mempoenjai kapala, bertoempoek malang melintang, sedeng dara terhamboeran di salebar djoebin.
Orang jang melakoeken itoe pemboenoehan boekan laen dari Ong Thiat-tiang; tapi itoe oppas jang mendjaga tida taoe satoe apa, kerna ia poen djaga di bagian sebla loear, sedeng di dalem tida ada kadengeran soeara riboet-riboet.
Tapi sasoedanja berselang sakean lama, belon djoega persakitan jang makan minoem itoe masoek tidoer, si oppas lantas pergi ka dalem dan alangkah terkedjoetnja, satelah meiliat itoe mait malang melinting.
Sigra djoega oppas itoe membri taoe pada kapalanja dan laen-laen kawannja, dimana marika laloe dateng preksa dan betoel sadja dapetken jang itoe semoea dorna, soeda tida mempoenjai kapala.
Pengoeroes post djoega djadi heran dan katakoetan. Tapi ia tinggal berdiri diam, sambil mengawasi si oppas.
"Abis bagimana sekarang kita moesti berboeat ?" kata itoe oppas jang tadi mendjaga: apa kita moesti pergi djoega ka itoe kota, atawakah balik sadja membri taoe ini hal pada Hoe-ie atas ini kadjadian ?“
"Kaloe kita pergi djoega ka tempat pemboewangan, dengen tida membawa persakitan,
