— 52 —
Tjiong Soe-touw: „itoe panglima Kim tida mengenal atoeran paperangan, kerna maski bagimana gaga djoega, saharoesnja ia tida boleh gegaba boeat masoek sampe begini dalem. Sebab pasoekan jang soeda masoek itoe ada soeker boeat balik poelang, kaloe djalanannja dipegat dari sebla loear.”
„Tapi perdamian soeda dibitjaraken,” kata Baginda Kim-tjong: „bagimana keng poenja fikiran ?”
„Hamba rasa ada lebi baek tida diteroesken itoe perdamian,” demikianlah Tjiong Soe-touw menjataken ia poenja tida satoedjoe: „kerna dari itoe perdamian, negri djadi moesti menanggoeng satoe karoegian besar.”
Keizer Kim-tjong mendenger dengen tida oetjapken satoe perkatahan. Sedeng Tjiong Soe-touw keroesken bitjaranja:
„Kerna boeat berdami, pada orang Kim moesti disoembangken sadjoembla harta jang amat besar. Dan boekan sadja oewang dan barang-barang berharga, hanja moesti dikasi djoega tana-tana jang penting.
„Tjobalah toeankoe pikir, kaloe tana Samtin satoe kali soeda terdjato di tangan moesoe, kadoedoekannja kota Piankeng djadi berdiri sendirian, dengen poetoes perhoeboengannja pada laen-laen kola atawa tempat, dengen begitoe
