— 57 —
padoedoek kota Piankeng, jang boenjinja dengen ringkes jalah: Minta soepaja Lie Kong diangkat kombali ka dalem djabatannja, sedeng Lie Panggian, jang soeda membri itoe pikiran, haroes terhoekoem mati, kerna mantri itoe bener-bener ada mendjadi ratjoennja negri.
Soerat ini lantas dibawa sendiri olehnja, dan waktoe mana ini sastrawan bertemoe pada itoe dorna di pintoe kraton, hingga dengen kabranian loear biasa ia laloe menoeding sambil berkata:
„Kaoe ini ada satoedjahanam, jang tida inget boeat kabaekannja negri, hanja meloeloe pikir boeat dapet kadoedoekan besar sadja, dengen kaniaja mantri satia boeat kaoentoengannja moesoe. Kaoe ini haroes dibilang satoe djahanam, penghianat negri jang haroes tertjingtjang mati.“
Sahabisnja oetjapken itoe perkatahan, Tan Tong dateng memboeroe dan kasi bebrapa kepelan di moekanja itoe djahanam.
Lie Pang-gian jang tida kaboeroe menangkis lantas bertreak-treak, beroentoeng itoe waktoe ada pendjaga astana, jang satelah denger riboet-riboet lantas dateng menoeloengi, hingga minister itoe tida sampe djadi binasa.
Rahajat negri jang ikoet pada Tan Tong laloe poekoel tamboer pertandahan, kerna begitoe me-
