— 58 —
mang biasanja kaloe ada apa-apa jang orang maoe mengadoe, hingga keadahan dalem astana djadi kaloet bener.
Pendjaga astana jang meliat rahajat negri begitoe banjak dan soesa dioeroes, lantas berkata dengen sabar:
„Hareplah kaoe masing-masing soeka bersabar sampe akoe kasi bertaoe pada Sri Baginda, dan djangan bikin riboet begini!“
„Hajoe lekas! Hajoe lekas!!“ berseroeh itoe orang banjak.
Pendjaga itoe lantas masoek membri taoe pada Keizer, jang djadi amat kaget denger itoe kabar.
„Kaloe begitoe, baeklah kami menoeroet permintahannja rahajat," kata ini djoengdjoengan pada si pendjaga, jang kamoedian lantas prenta panggil Thaykam Tjoe Kiong, boeat bawa firman aken angkat kombalı Lie Kong ka dalem djabatannja jang lama jaitoe Siangsi Tjosin.
Ini Thaykam jang diprenta ada saorang jang berbadan gemoek dan djalannja amat pelahan. Satelah ia kaloear dari kraton membawa itoe firma dengen djalan begitoe antel-antelan rahajat negri jang memang lagi sedeng moerka, djadi amat goesar dan marika itoe laloe bertreak sekeras-kerasnja:
„He, Thaykam djahanam, apa kaoe tida taoe
