— 67 —
Koelman jai oe saroepa binatang jang djarang ada. Biangnja dari kalde, bapanja dari koeda, djadi kalde kawin sama koeda, dan kaloe dapet anak dinamaken koelman. Tida ada salembar warna laen jang menjelip di badannja itoe binatang hanja idjo moeloes.
Ini koelman poenja tenaga ada besar, satoe hari bisa lari kira-kira delapan ratoes li djaoenja dengen tida merasa tjape.
Sasoedanja tetep pikir begitoe, Peng-tiong tepok-tepok itoe binatang sambil berkata:
„Sabetoelnja bersama-sama kaoe, akoe maoe dapetken pahala jang boleh megagoemken doenia. Tapi siapa kira sekarang akoe dapetken ini kakalahan, hingga terpaksa moesti lempar sendjata aken toentoet pengidoepan baroe. Maka sekarang hajoelah berangkat.“
Ini toenggangan roepanja seperti mengarti toeannja poenja bitjara, maka dengen bersoeara keras ia laloe angkat ampat kakinja dan sasaät kamoedian itoe koelman idjo soeda ada di atas oedara.
Seperti ia taoe di mana pernahnja goenoeng Gobi, binatang ini lantas toeroen dipinggirnja satoe oetan, betoel deket kobakan.
Itoe tempat ada di bawahnja goenoeng jang Tiauw Peng-tiong kahendaki,
Peng-tiong laloe toeroen dan boekaken selanja,
