— 327 —
baginda. „Amat banjak perkara jang menindih akoe poenja hati; manatah akoe bisa tjeritaken habis padamoe dalem saisepan roko?“
Satelah berdiam sakoetika lamanja, Sri Maha Radja berkata lagi dengen soeara sember:
„O, doenia jang fana! Dalem sakitjapan mata sadja, samoea bisa djadi berobah laen sekali!“
„Berobah djadi laen? Ah, toewankoe, kaoe membikin akoe djadi terkesiap dengen kaoe poenja bitjara! Kaoe toch tentoe tida maksoedti dengen itoe perkatahan, jang katjintahanmoe padakoe telah djadi berobah?.....“
„Sabenarnja ada begitoe, Caroline!“
Barones poenja moeka djadi soeram, dan meliat baginda dengen mata bersoesa hati. „Soenggoe, Caroline, tapi boekan dalem arti jang biasa,“ sabda lagi baginda. Tatkalah akoe baroe bertemoe pada kaoe, dalem hatikoe lantas bersemi bibit katjintahan. Itoe waktoe akoe soeda lantas djadi tergila-gila. Akoe poenja klakoean, bilah di'inget, tida beda seperti anak-anak moeda dalem sekola. Sekarang itoe bibit soeda mendjadi poehoen, telah mengaloearken
