— 340 —
Atjap kali baginda dapet banjak sekali kaoentoengan dengen menoeroeti barones poenja perniatan. Demikianlah kapandean iaorang berdoewa dalem perkara mentjari oentoeng, hingga pigoera-pigoera djoega dibelih oleh Sri Maha Radja, dengen niat aken didjoewal kombali, apabilah ada memperoleh laba.
Satoe kali baginda belih satoe pigoera dari Stevens dengen harga doewapoeloe riboe frank. Barones tawar barang itoe dengen harga tigapoeloe riboe frank, tapi Leopold II menampik, dan berkata:
„Pada kaoem koelawarga sendiri tida ada kabiasahan orang berlakoe satjara soedagar, anak manis! Dari itoe poen akoe merasa tida lajik sekali, mendapet oentoeng dari kaoe poenja oewang, maski poen benar dengen membelih ini pigoera, kaoe djoega nanti bisa memperoleh laba jang boekan sedikit."
Caroline bersenjoem.
Pada esok harinja baginda hadepken barones satoe bingkisan, jang berpoeloe lipat lebi besar harganja dari itoe pigoera. Astana Balincourt, bersama sakalian perabotnja, ia djadiken kapoenjahannja si djantoeng hati. Pembrian ini, nistjaja orang
