PERINGETAN DARI TEMPO DOELOE.
ratoes roepiah lebih ajahkoe lantes beliken barang dagangan jang dikira bisa lekas lakoe dan mengoentoengken. Tapi mendadak di satoe sore Tham Tjay dateng minta itoe oewang, kerna katanja ia ada dapet kasoesahan besar jang bisa bikin ia dimasoekken ka dalem boewi djikaloe tida lekas adaken sadjoemblah lima ratoes roepiah boeat beresken oetang-oetangnja. Apa tjilaka ajahkoe tida ada sedia begitoe banjak, dan di tangannja tjoemah ada oewang contant ƒ 35 jang djaoe dari tjoekoep boeat lolosken Tham Tjay dari itoe antjeman aken dimasoekken ka dalem boei.”
Salandjoetnja, dalem itoe soerat Sian Nio toetoerken bagimana, lantaran merasa katjilakaännja Tham Tjay ada dari kasalahan ajahnja jang soedah pake itoe oewang titipan, dan koeatir itoe pamoeda jang tertjinta nanti memboenoe diri kapan moesti dimasoekin ka dalem boewi, maka ia telah toeroet pada Tham Tjay boeat melariken diri ka Bandoeng dan teroes tinggal di Tjikoeda Pateuh pada itoe kekasih poenja satoe kenalan, Tjio Lay Hok, jang kasih pakerdja'an pada Tham Tjay dengen gadji tjoekoep boeat liwatin hari, dan sadari itoe koetika iaorang hidoep sabagi soeami istri dengen merasa sanget beroentoeng, jang brangkalih berdjalan teroes djikaloe kiranja iapoenja ajah tida dapet taoe tempat kadiamannja dan laloe dateng menjoesoel, dan minta ia lekas balik ka Soekadingin kerna iboenja sakit keras, dan djikaloe tida menoeroet, sang ajah hendak minta pertoeloengan politie boeat bawa padanja dengen paksa. Begitoelah Sian Nio telah toeroet pada ajahnja boeat berlaloe dari Bandoeng salagi Tham Tjay tida ada di roemah, dan ia tjoemah bisa tinggalken satoe soerat pendek
96
