PERINGETAN DARI TEMPO DOELOE.
satoempoek soerat soerat jang Tham Tjay lantes pilih dan taro di samping pembaringannja.
„Ini soerat dari mama masih pandjang, papa,” kata Sioe Nio, „dan semingkin ka belakang perkata'annja semingkin menjedihken. Apakah baek saja batjaken teroes, atawa toenda sadja sampe laen hari kapan papa soedah semboeh dan sehat kombali ?”
„Tida perloe kaoe batjaken itoe soerat lebih djaoe,” kata sang ajah, „kerna akos soedah denger terang apa jang akoe kapingin taoe. Penoetoeran jang sateroesnja akoe toch bisa dapet taoe kapan akoe soedah ketemoe dengen kaoe poenja mama.”
„Tapi papa djangan loepa, mama sekarang tida ada, soedah lama meninggal!” kata Sioe Nio dengen heran dan sangka Tham Tjay soedah djadi lingloeng dan pikirannja melantoer.
„Akoe poen bisa mati djoega, dan brangkalih bakal kadjadian dengen lekas!” kata itoe orang toea dengen soeara tetep. „Itoe sebab akoe soeroe panggil notaris, boeat bikin testament soepaja kaoe, Sioe, akoe poenja anak jang sah, bisa terima antero warisan.”
„Tapi papa toch masih bisa tinggal hidoep dan beroemoer pandjang, kaloe papa toeroet biar terliti nasehat dari dokter boeat rawat diri dengen betoel,” kata Sioe Nio. „Saja dan Giok Nio nanti djaga dan rawat pada papa sabagi kamoestian dari satoe anak dan tjoetjoe pada papa dan kakenja sendiri.”
„Apakah goenanja itoe ?” menanja Tham Tjay dengen paras sedikit tersenjoem. „Akoe poenja kaberoentoengan boekan disini, di doenia, hanja di alam aloes, kapan soedah bertemoe dan berkoempoel kombali bersama kaoe poenja mama,
105
