PERINGETAN DARI TEMPO DOELOE
mastofflesch berisi bischuit dan koewe-koewe, soedah diatoer rapih boeat disadjiken pada tetamoe-tetamoe jang bakal dateng berkoendjoeng. Dan maskipoen itoe persedia'an boeat rajaken Taon Baroe soedah dikerdjain sadari beberapa minggoe di moeka, sampe di itoe malem si tosan dan njonja roemah masih sadja iboek dan ripoeh aken tambahin ini dan itoe jang belon lengkep, samentara kaoem pamoeda dan anak-anak ketjil dengen girang pikirin pada segala kaplesiran jang marika aken alamken besok dan hari-hari berikoetnja, boeat koendjoengin sanak familie dan berkoempoel dengen sobat-sobat sambil mentjari kasenangan hati, mata, keeping dan moeloet.
Akan tetapi tida samoea reemah di kampoeng Tionghoa mengasih liat tanda-tanda dari kagoembirahan ; ada djoega jang lampoe-lampoenja di bagian pertengahan moeka tida menjalah dan pendoedoeknja tinggal tentrem dan adem seperti malem-maleman jang biasa. Antara jang be-gitoe ka'ada'annja, teritoeng djoega saboeah gedang besar dan indah model Europa jang doeloe djadi kapoenja'annja Kapitein Tionghoa dan sekarang, baroe kira tiga boelan jang laloe, ada disewa ®leh satoe soedagar hartawan, jang dateng di Soekadingin boeat tetirah.
Toean Ong Tham Tjay, jang berdiam di itoe gedong, pada djam 9 sore dari itoe maleman djlkauw-méh, ada doedoek menjender di korsi males rotan dengen saerang diri di pertengahan sabelah dalem jang loeas dan berisi perabotan indah, lapoenja boedjang-boedjang, terdiri dari doea jongos, satoe toekang kebon, satoe koki, satoe baboe dan satoe sopis, samoea telah menjingkir ka kamar-kamarnja di bagian belakang,
2
