PERINGETAN DARI TEMPO DOELOE
pengaroeh dari itoe sakean banjak soeloeran ka mana perhatiannja sabentar-bentar disimpangken, boeat menjingkir dari satoe hal tida enak aken tjari apa-apa jang lebih menjenangken, jang memberi imbangan satoe pada laen.
Dengen Ong Tham Tjay tida begitoe. Lantaran perhatiannja ditoɛdjoeken meloeloe boeat mentjari kakajaän, maka segala apa jang menghalangin dan bertentangan pada itoe maksoed ia pandang sebagi gandoelan tida perloe jang haroes disingkirken. Koetika istrinja jang biasa hidoep lojar sebab ajahnja ada saorang hartawan meninggal doenia, sabaliknja dari sedih ia malah merasa girang, kerna ilang satoe lobang ka mana sabagian dari itoe oewang jang ia lagi maoe koempoel telah molos boeat pertjoemah. Lebih djace ia bisa goenaken milik dan warisan dari istrinja itoe boeat tambah kapitaal dalem perdagangan jang, atas kagiatan dan kapandeannja, ia bisa bikin djadi lebih madjoe dari biasa.
Karojalan dan kalakoean tida baek dari poetrap-poetranja ada djadi ganggoean kadoea jang menghalangin itoe maksoed, dan datengken kadjeng-kelan dan rongrongan boekan sedikit. Maka koetika itoe doea anak lelaki, dengen beroentoen doea taon, satoe per satoe meninggal doenia satjara ketjiwa dan menjedihken, maşki hatinja sang ajah merasa doeka, ia poen dapet djoega kagirangan, kerna mengarti jang kadepanin tida ada satoe apa lagi dalem doenia jang bisa merintangin iapoenja maksoed dan toedjoean satoe-satoenja koempoel kakajaän sabesar-besarnja bisa, boeat kasih liat pada orang banjak iapoenja kapandean dalem hal dagang, di mana ada terletak djoega iapoenja nafsoe kabanggaän, kagirangan dan kapoeasan, ka dalem mana ia toemplekin iapoe-
8
