PERINGETAN DARI TEMPO DOELOE.
nja antero hati dan djiwa!
Djikaloe itoe kasoedjoetan, katetepan dan kakerasan hati oentoek sampeken maksoed jang dikandoeng, ia toedjoekan boeat perbaeki diri, mentjari kasoetjian, katentreman dan kabebasan hidoep, atawa laen apa-apa jang bersikap kekel dan datengken kaberkahan langgeng, pastilah Tham Tjay aken djadi satoe dari orang-orang jang paling berkatsil dan selamet dalem doenia, kerna iapoenja kanekatan boeat mengedjer dan sampeken kainginannja dengen tida perdoeliken satoe apa, dan tida bisa dibikin tergontjang oleh kadjadian-kadjadian jang mengharoeken hati dan mengantjoerken soemanget, membikin ia sanggoep sampeken segala apa jang diniatken biarpoen bagimana soeker dan berat. Inilah soenggoe åda satoe kategoehan hati dan kaoeletan loear biasa, jang djarang diampoenjai oleh sembarang orang. Dalem dirinja Tham Tjay ada terdapet bibit dari kabesaran dan kaägoengan jang menjebabken segala apa jang ia kerdjain djadi berhatsil bagoes dan bikin ia bisa dapetken kadoe-doekan lebih tinggi dari pada orang-orang biasa.
Tetapi dari sebab iapoenja angen-angen hidoep hanja boeat tjari doeit dan koempoel kakaja'an sabanjak-banjaknja bisa satoe toedjoean kouw-kati, ijoepet, rendah dan tida kekel - sakedar boeat kasih liat dan banggain iapoenja kapandean berdagang, maka itoe hatsil jang ia petik, maskipoen memenoehin segala pengharepannja, tida bisa memberi kapoeasan. Koetika oesianja jang tinggi dan kawarasannja jang sering terganggoe memaksa padanja boeat mengaso, ia moelai insjaf jang dalem penghidoepannja ada banjak apa-apa jang masih koerang. Koetika belon oendoerin diri dari kalangan dagang, dan satiap hari be-
9
