PERINGETAN DARI TEMPO DOELOE.
sampingke itoe ingetan dan impian boeat poenjaken Sian Nio jang tjantik, lemah-lemboet, dan telah oendjoek banjak perhatian dan sympathie pada dirinja sadari koetika masih anak-anak, kerna marika ada djadi tetangga satoe sama laen. la sampe insjaf bahoea boeat sampeken itoe angen-angen ia moesti berdaja aken mentjari kahatsilan lebih, tetapi maski bagimana radjin, giat dan soenggoe hati ia bekerdja boeat sakean lamanja, iapoenja madjikan, eigenaar dari itoe toko klontong, kaliatan tida menaro penghidoepan dan gadjinja sasoedah doea taon tjoemah ditambah f 2,50, jaitoe dari f 10 koetika ia moelai masoek bekerdja, dinaekin djadi f 12,50, dan brangkali ia moesti toenggoe lagi doea taon sabelonnja bisa dapet f 15,00.
Tham Tjay sampe insjaf, kapan ia toengkoelin teroes itoe matjem pakerdja'an jang tida memberi harepan apa-apa, dalem lagi sapoeloeh taon ia belon bisa poenja kahatsilan dan simpenan tjoekoep boeat memelihara anak dan istri; tapi ia terpaksa bekerdja teroes lantaran di itoe tempo, pada 40 taon laloe, Soekadingin masih djadi satoe kota ketjil jang soenji dan perdagangan ada sepi, hingga tida tersedia lapangan tjoekoep boeat orang-orang moeda dapet pakerdja'an jang tjo-
tjok sama kapandean dan kagiatannja. Djoega di itoe tempo, berhoeboeng dengen rendahnja ongkos penghidoepan, gadji gadji dari kaoem boeroeh memang sanget moerah, hingga djikaloe ia pindah bekerdja pada laen soedagar Tionghoa, ia poen tida bisa dapet gadji jang lebih baek, sedeng aken berdagang sendiri ia belon poenja simpenan boeat didjadiken modal, samentara iapoenja soedara lelaki dan prampoean jang samoea berätsal dari laen iboe — kerna Tham Tjay ada anak
26
