PERINGETAN DARI TEMPO DOELOE.
akoer sama soedara sendiri." Maka itoe koetika besok paginja oleh madjikannja ia disoeroe menagi oewang pada beberapa langganan, satoe rekening dari f 10 jang orang bajar ia simpangin ka sakoenja send ri dengen membilang ,,orangnja belon ketemoe", dan sang tauwkee jang koerang terliti tida pereksa satoe per satoe rekening jang masih ada di tangannja Tham Tjay, hingga itoe knoeie tida lekas kataoean.
Satoe kalih akalnja berdjalan dengen gampang, Tham Tjay djadi berani lakoeken penggelapan lebih banjak dengen goenaken roepa-roepa tjara boeat karoegian iapoenja tauwkee, tetapi itoe oewang jang didapet dengen djalan tjoerang tida dipake boeat hidoep besar atawa mentjari kasenangan bagi diri sendiri, hanja disimpen oentoek kapitaal dagang dan sekalian memikat pada Sian Nio. Goena ini maksoed ia sengadja titipken itoe oewang pada orang toeanja itoe gadis, jang dengen begitoe djadi mengira Tham Tjay ada satoe pamoeda jang himat dan ber penghatsilan loemajan, hingga kapan dateng tempo aken ia madjoeken lamaran, ada banjak harepan tida nanti ditolak.
Di itoe koetika Tham Tjay tida anggep itoe perboeatan ada satoe kadjahatan, hanja bilang pada dirinja sendiri itoe oewang jang ia tjoeri dengen goenaken tipoe daja ada tambahan dari iapoenja gadji jang dibajar terlaloe ketjil, tida
berimbang sama iapoenja tenaga dan pakerdjaan. Lebih djaoe ia ada inget, kapan di belakang hari ia bisa beroentoeng dan berhatsil dalem penghidoepan, ia niat bajar poelang itoe oewang pada sang tauwkee biarpoen itoe madjikan tida taoe apa jang ia berboeat sekarang. Begitoelah dengen kandoeng itoe ingetan, Tham Tjay pan
28
