PERINGETAN DARI TEMPO DOELOE
jang masoek ka dalem kaoe poenja sakoe sendiri. Pengoesoetan jang dilakoeken tadi sore sasoedahnja kaoe berlaloe, membikin tambah terang lagi kaoe poenja perboeatan boesoek, hingga kaoe poenja tauwkee ambil poetoesan pasti aken besok pagi adoeken kaoe pada politie soepaja diberi hoekoeman jang satimpal. Djoega kaoe poenja tauwkee ada tjerita, jang kaoe poenja gadji hanja limablas saboelan, boekan limapoeloeh roepiah seperti kaoe bilang padakoe. Maka katjoeali kaoe bisa terangken itoe oewang jang kaoe titip ada milikmoe jang sah, akoe moesti benerken itoe toedoeh toedoehan dari kaoe poenja tauwkee, bahoea kaoe soedah lakoeken pentjoerian dan penipoean padanja satjara loeas. Maka itoe akoe tida landjoetken itoe perempoekan boeat mengganti itoe oewang, sebab djikaloe ini perkara soedah djatoh di tangan politie, dikombalikennja itoe oewang tida bisa bikin kaoe terloepoet dari hoekoeman. Malah akoe poenja katerangan jang kaoe ada titipken oewang pada koe nanti membikin kadosa'anmoe semingkin njata. Dan lagi akoe tida soeka toeroet terlibet dalem perkara boesoek samatjem ini, kerna orang bisa keliroe sangka akoe djadi toekang tadah, dan malah boleh djadi nanti ada djoega orang bilang, akoe jang adjarin boeat kaoe lakoeken itoe kadjahatan, jang hatsilnja diserahken padakoe lantaran kaoe taro tjinta pada akoe poenja anak prampoean."
Tham Tjay mengarti jang dari Seng Lie, boeat sekarang dan kadepanin, ia tida bisa harep bantoean dan pertoeloengan apa-apa lagi, dan itoe orang toea jang sanget membentji pada katjoerangan dan kadjahatan soedah pasti bakal poetoesken djoega iapoenja perhoeboengan dengen
44
