PERINGETAN DARI TEMPO DOELOE.
in sadja boeat dipake kaloe Sian hendak menika . . . . . . dapet djodo pada laen lelaki jang nasifnja tida begitoe tjilaka seperti enko . . . . . itoe oewang boeat belikan perhiasan dan pakean sabagi enko poenja soembangan . . . . ."
Tjam jay tida bisa landjoetken omongannja, kerna iapoenja badan soedah dirangkoel oleh itoe gadis jang menangis dan ampir pangsan lantaran sanget keras sedihnja.
„Biarlah, 'ko, kita . . . . . kita mati . . . . sama-sama !“ merata Sian Nio. „Tapi masalah tida ada laen djalan boeat terlolos dari ini kasoesahan !“
„Enko poen tida kapingin mati, enko masih harep bisa hidoep beroentoeng bersama Sian Nio. Maka lebih doeloe enko maoe menjingkir ka tempat djaoe, soepaja tida masoek dalem boewi, tapi dengen sendirian dan tida kawan jang menghiboer dan membesarin hati, enko bisa jadi nekat lantaran kesel dan sedih . . . . . kaloe moesti hidoep dengen terpisah djaoe dari Sian Nio enko lebih soeka . . . . . mati !“
„Kaloe begitoe biarlah toeroet sama-sama ka mana djoega hendak pergi !“ kata itoe gadis dengen soeara tetep. „Saja merasa wadjib aken lakoeken pengorbanan atas saja poenja diri boeat ringaken kasoesahan enko jang soedah djadi korban dari papa poenja kalantjangan.“
Tham Tjay poenja mata menjalah dari saking girangnja, kerna iapoenja akal dan djebakan soedah berhatsil bagoes. Tapi ia masih poera-poera tida pertajaja, dan dengen soeara sedih ia berkata : — „Enko poenja kasoekeran ada terlaloe heibat boeat Sian bithara maen-maen samatjem ini. Bagimana bisa djadi Sian maoe toeroet sama enko . . . .“
„Dengen sasoenggoenja, saja bersoempah jang saja hendak toeroet ka mana dojega enko pergi
49
